Охин төрүүлсэн боловч хүүтэй болоод эмнэлгээс гарчээ
201806/scale_600.jpg

Шинээр төрсөн хүүхдийн чанга дууг хүлээж байсан тэд дуу сонсогдохгүй болохоор нь хөших мэт болов. Хүүхдийн сэхээнийхэн ч охиныг аваад яаравчлан явж, харин шоконд орж, орилох ээжийг нь эмч нар тайвшруулахад хүрлээ.

Марина энэ хүүхдээ 9 жилийн турш хүлээжээ. Өөрөөр хэлбэл, 9 жил янз бүрийн эмчилгээ хийлгэн, сайн гэсэн бүхий л зүйлийг хэрэглэж байсан боловч амжилт ололгүй, хосууд бүрмөсөн цөхрөөд аргаа барах үед охин нь олдсон аж.

Жирэмслэлт ч төдийлөн амар байсангүй. Төрөхийн өмнөх гурван сард Марина тувт эмнэлэгт хэвтжээ.

Тэрээр өөрөөрөө төрөхийг хүсч байсан хэдий ч биеийн эрүүл мэндээс шалтгаалан кесарево хагалгаа хийхээс аргагүйд хүрсэн байна.


Охин маш сул дорой төрсөн учраас хэн ч ямар нэгэн таамаг хэлсэнгүй. Марина хүүхдийн сэхээний өрөөнд хэдэн цагаар суун, охинд нь холбосон тэрхүү олон гуурс, төхөөрөмжүүдийг ширтэн суудаг байв.


Нэгэн удаа түүнийг тэнд сууж байхад нь урьдчилан сэргийлэх зорилгоор эрүүл чийрэг нярай хүүг авчирсан байна.


Эмч нарын ярианаас сонсоход, хүүгийн ээж нь түүнийг авахаас татгалзсан гэнэ. Охин нь өөрөө хөхөө хөхөх боломжгүй, харин хөх нь чинэрээд сүү ихтэй байсан тул Марина нөгөө хүүг хөхүүлэхийг хүслээ. Эмч нар ч зөвшөөрсөн аж.

Марина өөрөө аль хэдийн эмнэлгээс гарах ёстой байсан боловч охиноо ганцааранг нь орхиж чадалгүй, сэхээний тасагт бараг л амьдарч байлаа.

Нөгөө хүүд ч тэр бас хэрэг болж байв. Хөөрхий нялх амьтан, асрамжийн газар руу илгээгдэхээсээ өмнө жаахан ч атугай хөхний сүүгээр хооллоод аваг. Асрамжийн газарт мэдээж, хамгийн хямдхан тэжээл бүхий угжнаас өөр юу ч түүнийг хүлээхгүй байгаа хэмээн Марина бодон өрөвдөж байлаа.

Ингээд бодонгуут түүний зүрх сэтгэл хөндүүрлэж, ямар нэгэн хэрэггүй эд зүйл мэтээр ээждээ хаягдсан хүүг өрөвдөн гунигладаг байв.

Марина бараг гурван долоо хоног сэхээний тасаг руу ирэн очсоор байлаа. Энэ хугацаанд эмч нар түүнээс аль болохоор харцаа буруулан, асуусан зүйлд нь дуртай дургүй хариулсан болоод бушуухан холдохын түүс болж байж.


Харамсалтай нь, тэдний хүсэн хүлээж байсан гайхамшиг тохиолдсонгүй, хүүхэд нь угаасаа анхнаасаа л амьдрах боломж бараг байхгүй байж.  Марина эцэст нь, бяцхан охиноо сүүлчийн удаа тэврэн, түүнтэй салах ёс гүйцэтгэжээ.

Харин дараагийн өдөр нь Марина ахин хүрч ирэхэд эмч нар түүнийг гомдол мэдүүлэн, заргалдах нь гэж эхлээд таамагласан аж.

Гэвч тэр тэгсэнгүй. Харин нөгөө хүүг хөхүүлэхийг хүслээ. Тэр нярай хүү түүний хөхний сүүнд аль хэдийн дасч, хөөрхөн мариалах янзтай болжээ. Эмч нар ч түүнийг удалгүй асрамжийн газарт явуулахаар төлөвлөж байж.


Дараагийн өдөр нь Марина нөхөртэйгөө хамт иржээ. Тэд хүүхдийн тасгийн эрхлэгчтэй удаан ярилцан, дараа нь хүүг очиж харсан байна. Ингээд долоо хоногийн дараа шаардлагатай баримт бичгүүдээ бүрдүүлж ирээд хүүг үрчилж авахаар болжээ. Егорка /түүнийг шинэ аав, ээж нь ингэж нэрлэсэн/ гэр рүүгээ явлаа. Аз жаргал хүсье, бяцхан хүү минь!

Орчуулсан Д.Мигаа

Эх сурвалж: www.Zindaa.mn

Сэтгэгдэл бичих
АНХААРУУЛГА: Та сэтгэгдэл үлдээхдээ ёс бус хэллэг үл ашиглан сайтын хэрэглэгчидийг хүндэтгэн
соёлтой оролцоно уу!
Зочдын сэтгэгдэлд Zindaa.mn сайт ямар нэгэн хариуцлага хүлээхгүй болохыг анхаарна уу.
Сэтгэгдэл
Setgel zүrx shimsherlee Тэднмй гэр өүлд аз жаргал хүсийй
2018-06-11 10:44:38
Хүсээд ч үртэй болж чадахгүй байхад хүсээгүй нэгэнд нь эрүүл саруул үр заяах нь хяслантай. Тавилангаар учирсан эх үр ажээ.
2018-06-11 12:35:10
gaihaltai tuuh
2018-06-11 15:12:23
Сайхаан сайхан
2018-06-11 19:07:36
зүгээр л ГАЙХАЛТАЙ
2018-06-12 00:15:10
Егорка мундаг эр болноо. Ийм сайхан учрал тэр болгон тохиохгүй. Тэгэхээр энэ хүүгийн амьдралын зураг нь сайн сайхан байна гэсэн үг.
2018-06-12 02:48:21
уйлчлаа
2018-06-12 04:36:13
тавилангаар учирсан эх үр хоёр
2018-06-12 04:40:55
ogt oilgosongui garchigtaigaaa ogt avtsaldahgui bna
2018-06-12 06:40:37
хувь тавилан
2018-06-12 07:01:26
дахиад унш уншаад ойлгохгүй бол ахиад 10 жилийн сургуульд сур тэгээд ч ойлгохгүй бол усан тэнэг гэдэг оноштой хүнд зэргин өвчтөн бна эмнэлэгт хэвт болохгүй бол ДАХИН ТӨРӨӨРЭЙ гэж зөвлөе жич Монголд төрөх нь юу л бол энэ насандаа гавьтай амьдарч чадаагүй бол өөр төрөлдөө өмхий хужаа болж төрөөрэй
2018-06-12 07:06:16
Хахаха
2018-06-12 07:35:04
hahahahahaha
2018-06-14 20:53:52
Шинэ мэдээ