Жоли Брэд Питтээс хүүхдийн мөнгө шаарджээ
201808/xw_1470387.jpg

Холливудын супер од Анжелина Жоли хүүхдүүдээ өсгөхөд шаардагдах “хангалттай хэмжээний мөнгийг” экс нөхөр Брэд Питтээс шүүхээр дамжуулан шаардсан байна. Жүжигчин бүсгүйн шинэ нэхэмжлэлийн тухай АВС мэдээлжээ.

Харин Анжелина Жоли хэр хэмжээний мөнгийг “хангалттай” хэмээн тооцож буй талаар урт чихт сэтгүүлчид хараахан мэдэж амжаагүй бололтой.

Брэд Питтийн хуульчдын зүгээс, алдарт жүжигчин эр өөрийн экс эхнэрийн өмнө хүлээж буй санхүүгийн хариуцлагаа бүрэн дүүрэн хэмжээнд биелүүлж байгаа хэмээн мэдэгджээ.

Холливудын жүжигчин хос 10 жил хамтран амьдарсны эцэст хоёр жилийн өмнө салсан билээ. Тэд зургаан хүүхэд  өсгөн хүмүүжүүлж байсан бөгөөд тэдний гурав нь өргөмөл юм.

Хосуудын хүүхдүүдээ хүмүүжүүлэх арга барил зөрчилдсөн явдал гэр бүл салалтын гол шалтгаан болсон хэмээн яригддаг. Зургаан хүүхэд нь ээж Анжелина Жолитой хамт үлдсэн учраас тэднийг өсгөж хүмүүжүүлэхэд шаардагдах мөнгийг ийнхүү эцгээс нь нэхэмжилж байгаа аж.

Д.Мөрөн

Эх сурвалж: ZINDAA.MN

Сэтгэгдэл бичих
АНХААРУУЛГА: Та сэтгэгдэл үлдээхдээ ёс бус хэллэг үл ашиглан сайтын хэрэглэгчидийг хүндэтгэн
соёлтой оролцоно уу!
Зочдын сэтгэгдэлд Zindaa.mn сайт ямар нэгэн хариуцлага хүлээхгүй болохыг анхаарна уу.
Сэтгэгдэл
МУУ ЭМТЭЙ ТААРВАЛ САЛАЛТ ИРНЭ, САЛАЛТЫН ДАРАА МӨНГӨ НЭХЭЭСТЭЙ. ЭРЧҮҮД ИХ Л ЗОВЛОНТОЙ ЮМ
2018-08-08 07:19:31
Шинэ мэдээ